ონლაინ კურსი „პროგრამული უზრუნველყოფის ტესტირების საფუძვლები“ განკუთვნილია მათთვის, ვისაც სურს კარიერის დაწყება IT სფეროში, მაგრამ არ აქვს საკმარისი გამოცდილება QA-ში. აღნიშნული კურსი დაგეხმარებათ სწრაფად დაეუფლოთ უნარებს, დასაქმდეთ ამ სფეროში და გადაეშვათ პროგრამული უზრუნველყოფის შემუშავების საინტერესო პროცესში. ტრენინგის შემდეგ კურსდამთავრებულებს შესაძლებლობა აქვთ დასაქმდნენ პროგრამული უზრუნველყოფის ტესტირების კომპანიაში - a1qa.
ტრენინგი შედგება სამი დონისგან:

პირველი დონე
ტრენინგის ხანგრძლივობაა -1 თვე
ამ დონის მიზანია ფუნქციონალური ტესტირების საბაზისო ცნებების გაცნობა და აპლიკაციის ტესტირების ძირითადი ტიპების ათვისება.
სწავლება ამ დონეზე მიმდინარეობს ჯგუფურ ფორმატში, ყოველდღიური კონსულტაცია-ბრეინშტორმებით, ტესტირებისას მიღებული მიდგომების ანალიზით და სტუდენტებისთვის საინტერესო კითხვების განხილვით.
სწავლის პირველ საფეხურზე სტუდენტები ეცნობიან შემდეგ თემებს:
თემა 1. პროგრამული უზრუნველყოფის ტესტირების საფუძვლები. პროექტის სასიცოცხლო ციკლი, პროექტის მონაწილეები.
თემა 2. დეფექტებთან მუშაობა. დეფექტების აღწერა და სტრუქტურა.
თემა 3. ტესტირების მიდგომები. ტესტირების სახეები.
თემა 4. სატესტო დოკუმენტაცია და ტესტირების არტეფაქტები.
თემა 5. სატესტო ანგარიშგება.
თემა 6. დეფექტების სასიცოცხლო ციკლი. დეფექტების ვალიდაცია.
თემა 7. ინსტრუმენტების გამოყენება მექანიკური ტესტირების დროს.
თემა 8. ტექნიკური ცოდნა (VM, Networks, Windows).

დონე 2
ტრენინგის ხანგრძლივობაა -1 თვე.
ამ დონის მიზანია - უფრო რთული პრობლემების გადაჭრისას ტესტირების უნარების გაუმჯობესება, ასევე ინდივიდუალური უკუკავშირის საფუძველზე აპლიკაციის ტესტირების დროს არსებული ხარვეზების აღმოფხვრა.
ეს საფეხური არის პირველი დონის გაგრძელება და სტუდენტებს აძლევს შეაძლებლობას ისწავლონ პროფესიონალი მენტორის ინდივიდუალური მეთვალყურეობის ქვეშ.
მოცემული ეტაპი მთლიანად ეფუძნება პრაქტიკას: იგი შედგება მთელი რიგი სატესტო (web- и desktop- აპლიკაციებისა) და ტექნიკური (Postman, SQL, Fiddler) დავალებებისაგან.

დონე 3
ტრენინგის ხანგრძლივობა 3-4 კვირა.
დონის მიზანია - მოამზადოს სტუდენტები პროექტებზე წარმატებული გასაუბრების გასავლელად.
დასკვნით ეტაპზე სტუდენტები განიწვრთნებიან როგორც პროექტებზე გასაუბრების გავლაში, ასევე თეორიაში (როგორც ტექნიკურ, ასევე საპროექტო).
თეორიაზე დამატებითად, სტუდენტები შეასრულებენ მცირე ტექნიკურ დავალებებს, ასევე გაივლიან გამოკითხვებს და განიხილავენ თემებს მენტორთან ერთად.
ამ დონის დასასრულს სტუდენტს ჩაუტარდება გამოცდა, რომელიც მომხმარებელთან გასაუბრების პროცესის სიმულიაციას წარმოადგენს.

ონლაინ კურსი "პროგრამული ტესტირების ავტომატიზაცია" განკუთვნილია OOP მხარდაჭერით პროგრამირების ენების საბაზისო ცოდნის მქონე ადამიანთათვის.
ამ კურსის გავლა გაძლევთ შესაძლებლობას შეიძინოთ ავტომატიზატორის კარიერის დასაწყებად საჭირო უნარები, ჩაუღრმავდეთ პროგრამული უზრუნველყოფის შემუშავების პროცესს და ასევე მიიღოთ შანსი დასაქმდეთ a1qa კომპანიაში, „ავტომატიზირებული ტესტების სტაჟიორი-შემმუშავებელი“-ს პოზიციაზე.
ტრენინგი შედგება სამი დონისგან:

პირველი დონე
ტრენინგის ხანგრძლივობაა -1 თვე.
პირველი დონის მიზანია - ტესტირების საბაზისო ცნებების განხილვა, ვებ-ავტომატიზაციის საფუძვლების პრაქტიკული ათვისება და ავტომატიზაციის პროექტის შექმნის პრინციპების გაცნობა.
ტრენინგი ტარდება ჯგუფურ ფორმატში, ყოველდღიური ვორქშოფებით და ბრეინშტორმული-კონსულტაციებით, ავტომატიზაციაში მიღებული მიდგომების ანალიზით და სტუდენტებში წარმოქმნილი კითხვების განხილვით.
სწავლის პირველ საფეხურზე სტუდენტები ეცნობიან შემდეგ თემებს:
თემა 1. ტესტირებისა და ტესტირების ავტომატიზაციის საფუძვლები (საკვანძო ტერმინები).
თემა 2. ტესტირების ავტომატიზაცია: ვებ-ავტომატიზაციის სფეროს ძირითადი მიდგომები Selenium WebDriver ინსტრუმენტის მაგალითზე.
თემა 3. სატესტო ბიბლიოთეკები (TestNG/NUnit/pytest/Mocha) და მათი გამოყენების პრინციპები.
თემა 4. პროექტისა და ფრეიმვორკის ტესტირების ავტომატიზაციის სტრუქტურა.
თემა 5. პროექტირების შაბლონები ავტომატიზაციაში.
მიუხედავად შეხვედრების სიმრავლისა, კურსის საფუძველს შეადგენს პრაქტიკა. დავალებები სრულდება ერთ-ერთ ობიექტურად-ორიენტირებულ ენაზე: Java, C#, JS.

დონე 2
ტრენინგის ხანგრძლივობაა -1 თვე.
ამ საფეხურის ფარგლებში სტუდენტები იძენენ საბაზისო ინსტრუმენტებისა და უტილიტების სფეროში აუცილებელ უნარ-ჩვევებს, ასევე იღრმავებენ ავტომატიზაციის პროექტის სტრუქტურის საკითხებში პირველ საფეხურზე შეძენილ ცოდნას.
ეტაპი მიმდინარეობს ინდივიდუალური ტრენინგის ან მინი-ჯგუფების ფორმატში, რაც შესაძლებელს ხდის კურატორთან უფრო დეტალურად გაანალიზდეს ტექნიკური გადაწყვეტილებები. კურატორი არა მხოლოდ ეხმაურება დავალებებს, არამედ ასწავლის მოთხოვნილი საკითხებისა და წარმოქმნილი პრობლემების სწორად ჩამოაყალიბებას.
დონის დასრულების შემდეგ სტუდენტები დაეუფლებიან შემდეგ თემებს:
თემა 1. ტესტირების ავტომატიზაცია: API და მონაცემთა ბაზის ავტომატიზაცია.
თემა 2. დამხმარე ხელსაწყოები: Docker, CI/CD (Jenkins მაგალითზე).
თემა 3. Code style და პროექტის სტრუქტურა (მოწინავე დონე).
თემა 4. ავტომატიზაციის (კორპორატიული ფრეიმვორკის) არსებულ გადაწყვეტასთან მუშაობის პრინციპები.

დონე 3
ეტაპის ხანგრძლივობა 2-4 კვირაა.
ტრენინგის დასკვნითი ეტაპი შესაძლებლობას გაძლევთ მოაწყოთ პირველ და მეორე დონეზე მიღებული ცოდნის სისტემატიზაცია, განავითაროთ ტექნიკური ცოდნა და შედეგად, მოემზადოთ საბოლოო გასაუბრებისთვის.
სტუდენტებმა უნდა აითვისონ თემები ექვსი მიმართულებით:
1) ავტომატიზაციის ინსტრუმენტები (Selenium WebDriver);
2) სატესტო ბიბლიოთეკები;
3) ენობრივი კონსტრუქციები;
4) Git;
5) CI/CD;
6) ზოგადი ტექნიკური ცოდნა: ოპერაციული სისტემები, ქსელები, ვირტუალიზაცია და ა.შ.
როგორც წინა დონეზე, თეორიის შესწავლისას სტუდენტებს შეუძლიათ გაიარონ კონსულტაციები კურატორთან. თითოეული თეორიული ბლოკის ათვისების შემდეგ ინდივიდუალურ ან ჯგუფურ (2-5 კაცი) ფორმატში შემუშავების დასრულების შემდეგ ტარდება შუალედური გამოკითხვები.